Ég kem með Sigurjón og Alexíu að morgni 15. des, 2006.  Sonia kemur viku seinna.  Við förum svo aftur út 8. janúar.  Það eru komin 7 ár síðan við vorum síðast heima um jól og áramót þ.a. það verður voða gaman að komast í þá stemmningu á ný.  Sigurjón var 9 mánaða gamall þá.  Vonandi fáum við góðan snjó fyrir krakkana að leika sér í.  Reikna með því að fá að vera hjá Fiffó.  Erum að reyna að finna bíl til að leigja fyrir þennan tíma.  Ábendingar eru vel þegnar. 

Við sem vorum að flýja hita og svækju, komin í slíkt í Mývatnssveit... Samt afbragðsgott að koma og fór í GG með SJ um miðnætti.  Súper gott!

Það mætti stór og góður hópur á Café Flóru í gær.  Adda, Guðrún Vald, Hrefna (alla leið frá Stykkishólmi), Hrund, Harpa Ýr, Ásdís María, Barbara Ösp, Bergur Pétur (alla leið austur úr sveit), Helgi Bjarni, Arnaldur, Bryndís Ernsts.  Við sátum inni, fengu okkur léttar vetingar, skoðuðum myndir úr ÍR-skála ferð, ræddum um liðnar stundir, kynntumst nýjum litlum ÍR-ingum og mökum, spáðum í líðandi stund og skemmtum okkur bara mjög vel. 

Svo er bara málið að halda sambandinu lifandi á e.n hátt.  Til að byrja með má nota þetta blogg svæði.  Kannski setjum við upp spes-blogg fyrir þetta.  Það var rætt um að í framtíðinni verði haldinn barnalaus fjörendurfundur.  Ég reyni að setja myndir inn á svæðið eða tengil þar sem hægt er að sjá myndirnar.  Kannski ég grafi upp e.ð gamalt efni, jafnvel gömul prógröm...

Takk fyrir að mæta - það er frábært að sjá að öll eru meika það fínt, með nóg af spennandi hlutum í framtíðinni.

Förum í loftið kl 16:10 og komum aftur á mánudagskvöldið.  Þetta verður allt í lagi, löggur út um allt og samgöngur komnar í lag.

Okkur fýsir ekki að fara til London eftir hryðjuverkin.  Hlýtur að vera smá kaós þar nú.  Mömmu myndi ekki heldur lítast vel á að við værum á ferli þar nú, þó svo að þar sé líklega meira öryggi en venjulega.  Finnum e.ð annað að gera.  Rúnar Stefánsson mun mæta á ÍR fundinn á mánudaginn.  Þetta verður bara nokkuð gott.

Ferðin til landsins gekk ágætlega.  Gistum heima hjá bróður mínum, hann í San Fran næstum allan júlí.  Búinn að hitta fullt af vinum og kunningjum, fara í sund og pottana, fá eina með öllu, skyr með rjóma, lambalæri, labba upp í Esjuna og fá Gunna Palla beint í flasið á hans niðurleið og margt hið venjulega íslenska möst.   Er ekki með net-tengingu hjá bró.  Verð að fara aðrar leiðir og óreglulegri.  Fylgist samt með blogginu og meldingar á ÍR-samkomuna.  Búinn að bæta við niðurteljara og staðfesta stað og tíma:  Café Flóran í Grasagarðinum í Laugardal kl. 17:30, mánudaginn 11. júlí.  Hægt að versla sér léttar veitingar þar ef hentar.

Framundan er að sinna erlendum gesti frá 7. til 11. júlí.  Smá sýnisferðir og veitingastaðaráp.  Síðan líklega ferð til London 13. til 18. júlí, bara ég og Sonia.  Svo norður í land 19. til 23. júlí.  Næst austur í sumarbústað til 27. eða 28. júlí.  Förum svo af stað aftur til Austin mánudaginn 1. ágúst.  Fullt að gera... meira seinna.  SÞS

  Þá er draslið komið oní töskur og við að leggja af stað eftir smá tíma.  Best að fá sér smá lúr.  Langur ferðadagur og nótt framundan.  Mamma Soniu komin á hjúkrunarheimili og var að dunda sér við að spila á píanó þar í dag.  Við getum því slakað á að í lagi sé með hana, alla vega í bili.  Halló, halló, halló, á ekk ´að hleypa inn???  Sjáumst...

  Þá er bara vika til brottfarar!!!

Charmaine líður betur, fór af sjúkrahúsinu í gær og verður í viku hjá okkur eða þangað til við finnum hjúkruanarstað fyrir hana.  Hún er bundin í hjólastól og þarf að lyfta henni til og frá.  Hún er hress andlega, sem betur fer; það hjálpar henni og okkur.  Sonia er að hafa baby-shower fyrir Varúní hér hjá okkur í dag.  Við Sjonnsi ætlum að fara og hreinsa til í garðinum hjá Charmaine aðeins meira, allt fullt af trjágreinum og gamalli girðingu sem þarf að láta hirða.  Sumarstækjan er komin til að vera... hvað það verður gott að komast í ferska loftið...

Það er sko komið sumar, hátt í 40 gráður á hverjum degi og hátt rakastig í ofanálag.  Það verður sko frábært að komast í ferskleikann á Fróni, bara tæpar 3 vikur þangað til, eða kannski bara rúmlega tvær vikur. 

Eyddi mestum hluta laugardagsins upp á þaki og í garðinum hjá tengdó við að saga af risastórar eikartrjágreinar sem farnar voru að ógna þakinu og húsinu.  Trésmiðsmaurar eiga það til að nota greinarnar til inngöngu og greinarnar geta gert göt og rispað.  Svo geta þær bognað og brotnað í stórviðrum eða þegar klakabrynja leggst á þær.   Sonia var á meðan að laga til í herbergi mömmu sinnar og er alltaf að finna e.ð sniðugt, skartgripi og giftingartilboð frá Sri Lanka til handa þeim systrum.  Þetta eru verkefni sem mun taka enn nokkurn tíma. 

Þetta gæti verið byrjunin á einhverju meiri háttar dæmi...